प्रतिनिधिसभाको राज्य व्यवस्था तथा सुशासन समितिको सभापतिको निर्वाचन यही बुधबार हुने भएको छ । संघीय संसद सचिवालयले जारी गरेको सुचना अनुसार बुधबार समितिले नेतृत्व पाउने भएको हो । सचिवालयका महासचिव पद्मप्रसाद पाण्डेयद्वारा जारी सूचनामा ११ सभामुख देवराज घिमिरेले भदौ ११ गते बुधबारका लागि सभापति चयनका लागि समय तोकेको उल्लेख छ । निजामती सेवा विधेयकमा रहेको ‘कुलिङ पिरियड’ सम्बन्धी व्यवस्था हटाउन भएको हेरफेरको नैतिक जिम्मेवारी लिँदै कांग्रेसका रामहरि खतिवडाले सभापति पदबाट राजीनामा दिएका थिए। ।प्रतिनिधि सभा नियमावली अनुसार सभापतिको पद रिक्त भएको १५ दिनभित्र पदपुर्ति गर्नुपर्ने व्यवस्था रहेको छ । कांग्रेसले सभापतिको उम्मेदवार चयनको तयारी थाले पनि आन्तरीक विवादका कारण टुङ्ग्याउन सकेको छैन । यता नेकपा एमालेले भने सभापतिमा आफ्नो दाबी नरहने संङ्केत गरेको छ ।