पौराणिक कालदेखि भाद्र शुक्ल अष्टमीका दिन कागेश्वरी धाममा लाग्ने यसवर्षको कागेश्क्वरी मेला भदौ १५ गते आइतबार लाग्दैछ । पौराणिक कालदेखि नै भाद्र शुक्ल अष्टमीका दिन कागेश्वरी धाममा ठूलो मेला लाग्ने परम्परा रहिआएको बताइन्छ । विगतका वर्षमा झण्डै पाँच लाखभन्दा बढी भक्तजन दर्शन गर्न आएकको कागेश्वरी मनोहरा नगरपालिकाका प्रमुख उपेन्द्र कार्कीले जनाएका छन् ।
स्कन्दपुराणमा उल्लेख भएअनुसार, पशुपतिनाथपछिको महत्वपूर्ण धार्मिक स्थल नै कागेश्वरी धाम हो, किनकि यसलाई पशुपतिनाथको शिरोभाग मानिने पनि कार्कीले आफ्नो फेसबुक पेजमा उल्लेख गरेका छन् । आकाशगंगामा स्नान र कागेश्वरी महादेवको दर्शन गर्नेले अनन्त पुण्य फल प्राप्त गर्ने विश्वास रहिआएको छ। काठमाण्डौं, भक्तपुर, ललितपुर, सिन्धुपाल्चोक, काभ्रे, नुवाकोटलगायत विभिन्न जिल्लाबाट भक्तजन उपस्थित हुने गरेका छन् ।
हरियालीले भरिएको रमणीय वातावरण र दक्षिणतर्फ फैलिएको हराभरा क्षेत्र हेर्दा यहाँ आउने प्रत्येकलाई आध्यात्मिक शान्ति र आनन्दको अनुभूति हुन नगरप्रमुख कार्कीको दाबि छ । ऐतिहासिक, धार्मिक र पर्यटकीय दृष्टिले महत्वपूर्ण कागेश्वरी धाममा भाद्र १५ गते सोमबार हुने यस महान् मेलामा उपस्थित हुन नगरप्रमुख कार्कीले सार्वजानिक रुपमा आह्वान गरेका छन् ।
