एएफसी एसियन कप छनोटको तेस्रो चरणअन्तर्गत नेपालले आज भितनामसँग खेलदैछ । यसअघि लाओस र मलेसियासँग पराजित भएको थियो । घरेलु रंगशाला नहुँदा होम एन्ड अवेका दुवै खेल भियतनाममा खेल्ने खेल नेपाली समय अनुसार साँझ सवा ६ बजे सुरु हुनेछ। पहिलो खेलमा मलेसियासँग २–० ले पराजित भएको नेपालले दोस्रो खेलमा लाओससँग २–१ को हार ब्यहोरेको थियो।
लगातार दुई हारपछि नेपाल समूहको पुछारमा छ। साथै नेपालको फिफा वरीयतामा पनि स्थान खस्किएको छ। अर्कोतिर, एएफसीले दशरथ रंगशालालाई अन्तर्राष्ट्रिय रंगशालाको मान्यता दिन अस्वीकार गरेपछि घरेलु रंगशालामा खेल्नुपर्ने खेल विदेशी भूमिमा खेल्नुपर्ने बाध्यता पनि छ।यसअघिका दुवै खेलमा हार ब्यहोरिसकेको टोलीलाई अब भने राम्रो प्रदर्शनको दबाब छ।
पहिलो खेलमा सिंगापुरलाई हराएयता नेपालले जित निकाल्न सकेको छैन्। त्यसपछि नेपाल मलेसिया र लाओससँग पराजित भएको थियो भने हङकङ र बंगलादेशसाग गोलरहित बराबरीमा रोकिएको छ। भियतनामले भने पछिल्ला पाँच खेलमा चार जित हासिल गरेको छ। नेपाललाई हराएको लाओस विरुद्ध भियतनामले पाच शून्यको जित निकालेको थियो। त्यसैगरी उसले फाइनलमा थाइल्यान्डलाई हराएर भर्खरै मात्रै एएफएफ च्याम्पियनसिप जितेको थियो।
तर, पछिल्लो खेलमा मलेसियासँग पराजित भएपछि भियतनाम फेरि जितको लयमा फर्किने योजनामा छ। भियतनाम दुई खेलमा तीन अंकसहित छनोटको दोस्रो स्थानमा छ । ६ अंक जोडेको मलेसिया शीर्षस्थानमा छ भने नेपालले दुईं खेलमा अंक जोड्न सकेको छैन। चार गोलको सामना गरेको नेपालले अहिलेसम्म एक गोल मात्रै गर्न सकेको छ।
