मिथिला क्षेत्रको सबैभन्दा ठूलो पर्व छठ उदाउँदो सूर्यलाई अर्घ्य दिई आज समापन गरिँदैछ। चार दिनसम्म श्रद्धापूर्वक मनाइने छठ पर्वका व्रतालुले मंगलबार बिहानै उदाउँदो सूर्यलाई अर्घ्य अर्पण गरी अन्त्य गरिन्छ । यसअघि व्रतालुले सोमबार अस्ताउँदो सूर्यलाई अर्घ्य अर्पण गरेका थिए। यसको विधि कार्तिक शुक्ल चतुर्थीका दिन शुरु भई सप्तमीमा समापन हुन्छ।
चौथीका दिन स्नान गरी एक छाक खाएर बस्ने गरिन्छ। यसलाई ‘नहाय खाए’ भनिन्छ। दोस्रो दिन पञ्चमीमा सख्खर हालेर बनाइएको खीर ९खरना० षष्ठी मातालाई चढाई प्रसादस्वरूप खाने परम्परा छ। यो पर्वको मुख्य दिन कार्तिक शुक्ल षष्ठीका दिन कठोर निराहार व्रत गरी बेलुकी अस्ताउँदो सूर्यलाई पूजाआराधना गरी अर्घ्य दिने विधि विधान छ।
षष्ठीका दिन रातभर जागा बसी कार्तिक शुक्ल सप्तमीका दिन बिहान उदाउँदो सूर्यलाई पूजाआराधना गरी विधिपूर्वक अर्घ्य दिएपछि यो पर्व समापन हुन्छ। विधिपूर्वक सूर्यको पूजाआराधना गरी अर्घ्य दिएमा चर्म ९छाला० रोग लाग्दैन भन्ने विश्वास छ। विशेषगरी मिथिलाञ्चलको महान् पर्व छठ अहिले तराई त्यहाँ मात्र नभई काठमाडौँ उपत्यकामा समेत मनाइन्छ।
