नेपाली कांग्रेसको केन्द्रीय समितिमा देखिएको विवाद मिलाउनका लागि आज केन्द्रीय समितिको बैठक अगाडि पदाधिकारी तथा पूर्वपदाधिकारीको बैठक बस्दै छ । बिहान ११ बजे बस्ने बैठकले १५ औं महाधिवेशनको कार्यतालिकाका विषयमा देखिएको विवाद टुंगो लागउने बताइएको छ ।
महामन्त्री गगन थापा र विश्वप्रकाश शर्माले मंसिरभित्र महाधिवेशन सम्पन्न गर्ने कार्यतालिका प्रस्ताव र क्रियाशील सदस्यता विवाद समाधानका विषय बैठकको मुख्य एजेन्डा बनाएका छन् । बिहीबारको बैठकमा उक्त एजेन्डा राख्न नसक्ने अवस्था बनेपछि महामन्त्री थापा बिनासूचना अनुपस्थित भएका थिए ।
नेपाली कांग्रेसको केन्द्रीय समिति बैठक भने दिउँसो १ बजे बस्ने तय गरिएको छ, जसमा आजको पदाधिकारी बैठकमा तय भएका प्रस्तावहरू औपचारिक रूपमा पेश गरिनेछन् ।
