आईसीसी महिला च्यालेन्ज ट्रफी अर्न्तगत नेपाल अमेरिकासँगको दोस्रो खेलमा पराजित भएको छ । रुवाण्डामा जारी प्रतियोगिताको हिजो सम्पन्न खेलमा नेपालले ७ विकेटको फराकिलो अन्तरमा हार व्यहोरेको हो ।
रुबि पोद्दारको ५१ रनसहितको अर्धशतकिय योगदानमा नेपालले दिएको ८७ रनको सामान्य लक्ष्य अमेरिकाले ११ ओभर ५ बलमा ३ विकेट गुमाएर पूरा गरेको थियो । त्यसअघि पहिले ब्याटिङ गरेको नेपालले २० ओभरमा ६ विकेट गुमाएर मात्र ८६ रन बनाएको थियो ।
पाँचौँ खेलमा नेपालले तेस्रो हार व्यहोर्दा ८ अंकसहित तालिकाको शीर्षस्थानमा रहेको अमेरिकाको भने यो चौथो जित हो । दुई खेल जितेको नेपालसँग ४ अंकसहित तालिकाके चौथो स्थानमा रहेको छ । यसअघि आफ्नो पहिलो खेलमा गएको वैशाख ५ गते नेपाल अमेरिकासँग ४४ रनले पराजित भएको थियो ।
अब नेपालले भोलि रुवान्डासँग खेल्नेछ ।
