काठमाडौं । सरकारले विभिन्न १३ देशका लागि राजदूत नियुक्त गर्न १३ जनाको नाम सिफारिस गरेको छ ।
शुक्रबार बसेको मन्त्रिपरिषद् बैठकले विभिन्न क्षेत्रको अनुभव, विज्ञता, अध्ययन तथा अनुसन्धान र नेतृत्वदायी भूमिकामा काम गरेका व्यक्तिहरूलाई राजदूतका लागि सिफारिस गरेको हो ।
सरकारले सिफारिस गरेका नाम संसदीय सुनुवाइका लागि पठाउनेछ । संसदीय सुनुवाइ सम्पन्न भएपछि प्रस्तावित राजदूतहरूलाई सम्बन्धित मुलुकमा अग्रिमो (एग्रिमेन्ट) का लागि पठाइनेछ । सम्बन्धित देशबाट अग्रिमो प्राप्त भएपछि राष्ट्रपतिले उनीहरूलाई औपचारिक रूपमा राजदूत नियुक्त गर्नेछन् ।
सरकारले सिफारिस गरेका प्रस्तावित राजदूतहरू यसप्रकार छन् :
१. डा. निश्चलनाथ पाण्डे — भारत
२. डा. कल्याणराज शर्मा — चीन
३. चिरनजंग थापा — संयुक्त राज्य अमेरिका
४. पूर्वप्रधानसेनापति गौरव शम्शेर जंगबहादुर राणा — संयुक्त अधिराज्य (यूके)
५. जिग्यान कुमार थापा — जापान
६. सुरेशकुमार कर्ण — इजरायल
७. प्राप्ति शेरचन — स्पेन
८. शरू जोशी — जर्मनी
९. डा. पद्माक्षी राणा — ओमान
१०. चूडामणि खरेल — मलेसिया
११. प्रा. डा. सङ्गम श्रेष्ठ — दक्षिण कोरिया
१२. डा. मंचला झा — श्रीलंका
१३. गिरीबहादुर सुनार — साउदी अरेबिया
