तीन दिने औचारीक भ्रमणका लागि समाजवादी गणतन्त्र भियतनामका उपराष्ट्रपति भो थि आन सुआन आज काठमाडौ आउने हुनुभएको छ । उपराष्ट्रपति रामसहायप्रसाद यादवको मैत्रीपूर्ण निमन्त्रणामा सुआन नेपाल भ्रमणमा आउन लाग्नुभएको हो । आजबाट सुरु हुने यो भ्रमण नै भियतनामका तर्फबाट नेपाल भ्रमण हुन लागेको पहिलो उच्चस्तरीय भ्रमण हो ।
भ्रमणका क्रममा उपराष्ट्रपति यादव र उनका समकक्षी सुआनबीच भोली काठमाडौँमा द्विपक्षीय प्रतिनिधीमण्डल स्तरीय वार्ता हुने परराष्ट्र मन्त्रालयले जनाएको छ । यसैगरी उपराष्ट्रपति सुआनले नेपालका अन्य उच्चपदस्थ व्यक्तित्वसँग पनि शिष्टाचार भेटवार्ता गर्नुहुने कार्यक्रम रहेको छ ।
नेपाल र भियतनामबीच कूटनीतिक सम्बन्ध स्थापना भएको ५०औँ वर्षगाँठसमेत यस वर्ष परेकाले यस भ्रमणलाई विशेष महत्वका साथ हेरिएको छ । उपराष्ट्रपति सुआन आफ्नो भ्रमण सम्पन्न गरी भदौ ९ गते स्वदेश फिर्ता हुनेतालिका छ ।
