यस वर्षको मदन पुरस्कार छुदेन काविमोको पुस्तक ‘उरमाल’ ले प्राप्त गरेको छ । हिजो बसेको मदन पुरस्कार गुठीको बैठकले काविमोको उरमाललाई मदन पुरस्कार दिने निर्णय गरेको हो । मदन पुरस्कार प्राप्त कृति उरमाल चिया कमानेहरूको कथा हो । भारतीय नेपालीभाषी लेखक काविमोको यसअघि गोर्खाल्यान्ड आन्दोलनको पेरिफेरिमा लेखिएको उपन्यास ‘फातसुङ’ प्रकाशित छ । त्यस्तै बैठकले प्रेमदेव गिरीलाई जगदम्बा श्री पुरस्कार दिने निर्णय गरेको छ ।‘लोकभाका सङ्कलन र संरक्षण’मा विशिष्ट योगदान पु¥याएस्वरुप गिरीलाई जगदम्बा श्री पुरस्कार दिने निर्णय गरीएको गुठीले जनाएको छ । यसवर्षको मदन पुरस्कारका लागि काविमोको “उरमाल” सहित ७ वटा पुस्तक छनोटमा परेका थिए ।