भुटानमा जारी साफ अण्डर सेभेन्टिन महिला च्याम्पियनसिप अन्र्तगत नेपालले आज बङ्गलादेशसँग खेल्दैछ । भुटानको चाङ्लिमिथाङ रंगशालामा आज पौने ६ बजे नेपालले आफ्नो तेस्रो खेल खेल्ने भएको हो । बलियो टिमका रुपमा मानिएको बङ्गलादेशसँग हालसम्म सम्पन्न २ खेलमा १ जित र १ हारको नतिजा रहेको छ । अगस्ट ३१ सम्म हुने प्रतियोगितामा नेपाल, भारत, बंगलादेश र आयोजक भुटान गरी चार टोली सहभागी छन् ।
डबल राउण्ड रोबिन लिगमा खेलिने प्रतियोगितामा सबैभन्दा बढी अंक जोड्ने टोली च्याम्पियन बन्नेछ । अहिलेसम्म भएका खेलको नतिजामा भारत २ खेलमा ६ अंक जोडेर शीर्ष स्थानमा छ भने बंगलादेश र नेपालको समान ३ अंकछ । यद्यपी गोलअन्तरका आधारमा बंगलादेश दोस्रो र नेपाल तेस्रोमा छ । प्रतियोगिता अन्र्तगत भारत र भुटानबिच पनि आज नै प्रतिस्पर्धा हुँदैछ ।
