नेकपा एमालेको केन्द्रीय कमिटीको बैठकले सदस्यता नविकरण अस्वीकार गरेपछि देश दौडाहा थालेकी पूर्वराष्ट्रपति विद्यादेवी भण्डारी मधेश प्रदेशको मुख्य व्यापारिक शहर वीरगञ्ज पुगेकी छन् । वीरगञ्ज उद्योग वाणिज्य संघले आयोजना गरेको वृहत् महिला सम्मेलनमा भाग लिन पूर्वराष्ट्रपति समेत रहेकी एमालेकी पूर्व उपाध्यक्ष भण्डारी सिमरा विमानस्थल हुँदै वीरगञ्ज पुगेकी हुन् ।
नेकपा एमालेले भण्डारीको कार्यक्रममा सहभागि नहुने आग्रह गरेपनि उनलाई नेकपा एमालेका कार्यकर्ताले विमानस्थलमै ५१ किलोको माला सहित स्वागत गरेका थिए।
एमाले निर्देशन अवज्ञा गर्दै स्थायी कमिटी सदस्य मुकुन्द न्यौपाने, पोलिटब्युरो सदस्य पुरुषोत्तम पौडेल, सचिवालय सदस्य जय प्रकाश थारु, केन्द्रीय सदस्यहरू केदार न्यौपाने, अरविन्द सिंह, मधेश प्रदेश सचिव मनोज पौडेल, वीरगञ्ज महानगर अध्यक्ष नवराज शर्मा, जितपुर सिमरा उपमहानगरपालिकाका उपमेयर भोलाप्रसाद अधिकारीलगायत विमानस्थलमै पुगेर भण्डारीको स्वागत गरेका थिए ।
भण्डारीले उद्योग वाणिज्य संघको कार्यक्रम पछि पार्टी कार्यकर्तासँग अन्तरक्रिया गर्ने कार्यक्रम रहेको छ ।
