चर्चित लोकदोहोरी तथा तामाङ सेलो गायिका इन्दिरा गोले गुरुङको निधन भएको छ। लामो समयदेखि क्यान्सर रोगबाट पिडित उनको गएराति १२ बजे ललितपुरको हत्तिवनस्थित आपार्टमेन्टमा ५९ वर्षको उमेरमा निधन भएको पारिवारिक स्रोतले जनाएको छ।
ललितपुरको कोन्ज्योसोम गाउँपालिका– ५ भारदेउमा २०२३ साल कार्तिक ३ गते जन्मिएकी उनले ५ हजार भन्दा बढी गीतमा स्वर दिएकी छन्। उनले नेपाली लोक दोहोरी, तामाङ सेलो तथा भाषाका साथै देउडालगायत भाषा र भाकाका गीतहरु गाएकी छन्।
२०४५ सालमा रेडियो नेपालबाट गीत रेकर्ड गर्ने अवसर पाएपछि उनी केही समय अघिसम्म गीत संगीत क्षेत्रमा व्यस्त थिइन्। उनको आजै बौद्ध परम्परा अनुसार अन्त्यष्टी गरिने छ । श्रृद्धान्जलीका लागि राष्ट्रिय नाचघरमा राख्ने तयारी गरिएको छ। उनको दुई छोरी छन्।
