भौतिक पूर्वाधार तथा यातायात र शहरी विकास मन्त्री कुलमान घिसिङले विभागीय प्रमुखहरुको बैठक बोलाएका छन् । आज बिहान ११ बजे विभागीय प्रमुखहरुसँग बैठक राखिएको हो ।
मौसम र सडकको पछिल्लो अवस्थाबारे र सडक सुरक्षा तथा सम्भावित विपदबाट जनधनको क्षति न्यूनीकरण गर्ने तयारीबारे जानकारी लिन उनले बैठक बोलाएका बताइएको छ । सो बैठकमा सडक सुरक्षा र सम्भावित विपदबाट जनधनको क्षति न्यूनीकरण गर्ने तयारीबारे जानकारी लिँदै आवश्यक निर्देशन दिइने मन्त्री घिसिङको सचिवालयले जनाएको छ ।
अहिले परिरहेको पानीको मात्रा र पानी पर्ने क्षेत्र थप बढ्ने सम्भावना भएकाले बाढी, पहिरो, डुबान लगायतका समस्या सिर्जना हुनसक्ने आशंका छ ।
