अमेरिकी राष्ट्रपति डोनाल्ड ट्रम्पको प्रशासनले शिकागो क्षेत्रमा सैनिक पठाउने योजना अनुरुप मंगलबार टेक्सस राष्ट्रिय सेनाका सदस्यहरू इलिनोइको इलवुडस्थित अमेरिकी आरक्षित सेनाको एक केन्द्रमा पुगेका छन् ।
अन्तराष्ट्रिय संचारमाध्यामका अनुसार सैनिकहरू टेक्सस नेशनल गार्ड चिन्ह लगाएर उपस्थित थिए। यसअघि, टेक्ससका गभर्नर ग्रेग एबटले आफ्ना सुरक्षाकर्मा सदस्यहरू विमान चढ्दै गरेको तस्बिर सार्वजनिक गरेका थिए, तर गन्तव्य खुलाएका थिएनन्।
इलिनोइका डेमोक्र्याट गभर्नर जे।बी प्रिट्जकरले करिब ४०० टेक्सस सैनिकसहित आफ्नै राष्ट्रिय सैनिक बल पनि सक्रिय गरिन सक्ने बताएका छन्। शिकागोका नगर प्रमुख ब्रान्डन जोन्सनले प्रशासनले “स्थानीय निकायसँग सहकार्य गर्न अस्वीकार गरेको” भन्दै आलोचना गरे।
