नेपाली कांग्रेसका केन्द्रीय सदस्य उमेशजंग रायमाझीले चार वर्षसम्म महाधिवेशनको तयारी नगरेको भन्दै पार्टी नेतृत्वमाथि चर्को असन्तुष्टि व्यक्त गरेका छन् ।
जारी केन्द्रीय समितिको बैठकमा बोल्दै उनले भने–‘अहिले महाधिवेशनबारे विवाद किन ? चार वर्ष अगाडि मंसिर २७ गते आउँछ भन्ने थाहा थिएन । पदाधिकारीहरू किन सुतेर बस्नुभयो ? अनि अहिले अड्काउने ? गर्दा के हुने ? त्यसैले प्रक्रियाबाट अधिवेशन गर्नुपर्छ । कसैले भाँड्न पाइँदैन । सहमतिमा अधिवेशन गरेर निर्वाचन लड्ने हो । निर्वाचनमा कांग्रेस नलडे को लड्छ।’
फागुनमा निर्वाचन पनि नहुने, संसद् पुनर्स्थापना पनि नहुने बताए । उनले भने– ‘संसद् पुनर्स्थापना गर्न तपाईँहरूले उजुरी नहाल्ने, अरूले गर्दिनुपर्ने ? सांसदहरूले केन्द्रीय समितिमा जानकारी गराउनु पर्दैन ससदबारे ? तपाईंहरु सरकारमा जाने के भएर ढल्यो सरकार ?’
