ग्लोबल आइएमई बैंकको १९औं वार्षिक साधारणसभा सफलतापूर्वक सम्पन्न भएको छ। साधारणसभाले गत आर्थिक वर्षका उपलब्धि, आगामी योजना र बैंकको दीर्घकालीन रणनीतिका बारेमा विस्तृत छलफल गरेको छ ।
नेपाल सरकार र नेपाल राष्ट्र बैंकको नीति–नियमहरूको पूर्ण पालना गर्दै बैंकले शेयरधनी, ग्राहक र सरोकारवालाहरूको विश्वासलाई अझ सुदृढ बनाउन निरन्तर प्रयास गरिरहेको बैंकले जनाएको छ ।
बैंकले देशका ७७ वटै जिल्लामा आफ्ना शाखा, एटीएम, शाखारहित बैंकिङ सेवा, राजस्व संकलन काउन्टर र वैदेशिक प्रतिनिधि कार्यालयमार्फत वित्तीय पहुँच विस्तार गर्दै आएको बताइएको छ । साथै, विश्वका प्रमुख मुलुकहरूबाट रेमिट्यान्स सेवा प्रदान गर्दै नेपाली जनताको आर्थिक समृद्धिमा योगदान पु¥याउँदै आएको छ ।
हाम्रो लक्ष्य स्पष्ट छ— सबैका लागि पहुँचयोग्य, दिगो र विश्वस्त बैंकिङ सेवा प्रदान गर्दै देशको आर्थिक रूपान्तरणमा अग्रणी संस्था बन्ने अवस्था रहेको बताइएको छ ।
