नेपालले तराई आर्क ल्यान्डस्केपमा रेडडी उत्सर्जन न्यूनीकरण कार्यक्रम अन्तर्गत करिब १८ लाख ८० हजार टन कार्बनडाइअक्साइड घटाउन विश्व बैंकको वन कार्बन साझेदारी सुविधाबाट ९.४ मिलियन डलरको भुक्तानी प्राप्त गरेको छ । यो विश्व बैंकको वन कार्बनको उत्सर्जन कटौती भुक्तानी सम्झौता अन्तर्गत पहिलो भुक्तानी हो ।
नेपालमा विश्व बैंकको वन कार्बन साझेदारी सुविधा कार्यक्रम दिगो वनको लागि यसको बलियो समुदाय–आधारित छ । तराई आर्क ल्यान्डस्केपमा कार्यान्वयन गरिएको र दुबै समृद्ध जैविक विविधता र घना मानव जनसंख्याको घर कार्यक्रमले स्थानीय समुदाय, आदिवासी जनजाति र नागरिक समाज संगठनहरूलाई वन संरक्षण र पुनर्स्थापना गर्न ग्रामीण जीविकोपार्जनमा सुधार ल्याउँने अपेक्षा गरिएको छ ।
माल्दिभ्स, नेपाल र श्रीलंकाका लागि विश्व बैंक डिभिजन निर्देशक डेभिड सिस्लेनले यो भुक्तानीले वन फँडानी घटाउन, वन प्रशासनलाई सुदृढ गर्न, जैविक विविधता संरक्षणमा वृद्धि गर्न र स्थानीय समुदायका लागि दिगो जीविका अवसरहरू विस्तार गर्नमा नेपालको सफलताको प्रमाण भएको बताएका छन् ।
स्थानीय समुदाय र प्रमुख सरोकारवालाहरूसँगको परामर्श समावेश गरी सहभागितामूलक प्रक्रियाबाट विकसित नेपालको लाभ बाँडफाँड योजना अनुसार भुक्तानी वितरण गरिनेछ। यस योजनाले वनमा आश्रित समुदाय र आदिवासी जनजातिहरूले उनीहरूको प्रयासको नतिजाबाट प्रत्यक्ष रूपमा लाभान्वित हुने कुरा सुनिश्चित गर्दछ।
वन तथा वातावरण मन्त्रालयका सचिव डा राजेन्द्रप्रसाद मिश्रले यो नतिजामा आधारित भुक्तानीले नेपालको वन संरक्षण र व्यवस्थापनमा र नेपालमा वनमा निर्भर समुदाय, आदिवासी जनजाति र सरकारको प्रयास र समर्पण झल्काउँने बताउदै नेपाल समावेशी र समुदायको नेतृत्वमा वन व्यवस्थापन मार्फत जलवायु कार्यलाई अगाडि बढाउन प्रतिबद्ध रहेको बताए ।
