अफगानिस्तानका अधिकारीहरूले पाकिस्तानी सेनाले देशको दक्षिणपूर्वी खोस्ट प्रान्तमा रहेको एउटा घरमा बम विस्फोट गराएको र कम्तीमा नौ बालबालिका र एक महिलाको मृत्यु भएको बताएका छन्।
तालिबान प्रशासनका प्रवक्ता जबिहुल्लाह मुजाहिदले मंगलबार मध्यरातमा खोस्ट प्रान्तको गुरबुज जिल्लामा आक्रमण गरिएका जानकारी दिए । पाकिस्तानी सेनाले काजी मीरका छोरा वालियत खानको घरमा बम विस्फोट गराएको तालिबान प्रशासनका प्रवक्ता मुजाहिदले दाबि गरेका छन् ।
जसमा नौ बालबालिका र एक महिलाको मृत्यु भएको र उनीहरूको घर ध्वस्त भएको मुजाहिदलाई उदृत गर्दै अलजजिराले जनाएको छ ।
तालिबान प्रशासनका प्रवक्ता मुजाहिदका अनुसार अन्य हवाई हमलाहरू उत्तरपूर्वी कुनार र पूर्वी पक्तिका प्रान्तहरूमा भएका जसमा कम्तिमा चार नागरिक घाइते भएको छन्।
