काठमाडौँ । नवनियुक्त प्रधानमन्त्री बालेन्द्र शाह(बालेन)लाई भारतीय प्रधानमन्त्री नरेन्द्र मोदीले बधाई दिएका छन् । शाहले प्रधानमन्त्रीका रूपमा शपथ लिएको केही समयमै मोदीले सामाजिक सञ्जाल (ट्विटर) मार्फत शुभकामना व्यक्त गरेका हुन् ।

मोदीले शाहको नियुक्ति नेपाली जनताले उनको नेतृत्वप्रति राखेको विश्वासको अभिव्यक्ति भएको उल्लेख गरेका छन् । उनले भारत-नेपालबीचको मैत्री सम्बन्ध र सहकार्यलाई दुवै देशका जनताको पारस्परिक हितका लागि अझ उचाइमा पुर्‍याउन नजिकबाट काम गर्ने अपेक्षा व्यक्त गरेका छन् ।

मोदीले आफ्नो सन्देशमा भनेका छन्,
“Warm congratulations to Mr. Balendra Shah on being sworn in as the Prime Minister of Nepal. Your appointment reflects the trust reposed in your leadership by the people of Nepal. I look forward to working closely with you to take India–Nepal friendship and cooperation to even greater heights for the mutual benefit of our two peoples.”