प्रतिनिधिसभाको उपसभामुख पदमा श्रम संस्कृति पार्टीले दाबी गरेको छ । पार्टीका अध्यक्ष हर्क साम्पाङले सामाजिक सञ्जालमार्फत सो पदमा रुम संस्कृतीको दाबी जनाएका हुन् ।
साम्पाङले उपसभामुखका लागि आफ्नो पार्टीले उपसभामुखमा महिला उम्मेदवार खडा गर्ने पनि जनाएका छन् । यद्यपी कसलाई उम्मेदवार बनाउने भन्नेबारे केही खुलाएका छैनन् ।
सामाजिक सञ्जाल फेसबुकमा उनले लेखेका छन्– ‘सभामुख निर्विरोध चयन हुनु भएकोमा बधाई दिइसक्यौँ अब उपसभामुख चयनको निर्वाचन हुँदैछ । हामी महिला उम्मेदवार खडा गर्दैछौँ । ’
साम्पाङले संसदको ठूलो दल रास्वपासँग सहयोगको अपेक्षा पनि गर्दै थप लेखेका छन्–‘हेरौँ नयाँले नयाँलाई भोट हाल्छ कि उही पुरानालाई ! ७ भोट आउँछ कि १८९?’
