मन्त्रिपरिषद्को आकस्मिक बैठक बस्ने भएको छ । आज दिउँसो १ बजे सिंहदरबारमा बस्ने गरि प्रधानमन्त्री बालेन्द्र शाहले मन्त्रिपरिषद्को आकस्मिक बैठक बोलाएका हुन् ।
बैठकका एजेण्डाहरु भने सार्वजनिक गरिएको छैन । यद्यपी आज बस्ने मन्त्रिपरिषद् बैठकले नेपाल राष्ट्र बैंकका डेपुटी गभर्नर नियुक्त गर्ने सम्भावना रहेको छ । डेपुटी गभर्नरका लागि राष्ट्र बैंकले नामहरु सिफारिस गरिसकेको छ । सिफारिसका गरिएका नामहरु अर्थ मन्त्रालयले मन्त्रिपरिषदमा लगेपछि नियुक्तिको निर्णय हुनेछ ।
त्यस्तै आजको बैठकले राष्ट्रिय योजना आयोगमा रिक्त उपाध्यक्ष र सदस्यहरुको पनि नियुक्त गर्न सक्ने बताईएको छ । यही चैत १६ गते प्रधानमन्त्रीमा नियुक्त रास्वपाका वरिष्ठ नेतासमेत रहनुभएका शाहले सोही दिन मन्त्रिपरिषद्को पहिलो बैठक राख्दै शासकीय सुधारको सयबुँदे कार्यसूची सार्वजनिक गरेका थिए ।
