नेपाल पर्वतारोहण संघ (एनएमए)को शनिबार भएको निर्वाचनमा सत्ता गठबन्धनमा रहेका कांग्रेस र एमालेनिकट पर्यटन व्यवसायीहरूको गठबन्धनका उमेदवारलाई पराजित गर्दै नेकपा माओवादी केन्द्र र राष्ट्रिय स्वतन्त्र पार्टी निकट पर्यटन व्यवसायीहरूको गठबन्धनका उमेदवार फुर गेल्जे शेर्पा निर्वाचित भएका छन् ।
शेर्पा ३४२ मत ल्याउँदा सत्ता गठबन्धनमा रहेका कांग्रेस र एमालेनिकट पर्यटन व्यवसायीहरूको गठबन्धनका उमेदवार गुरुङ २८८ मत ल्याए । संघको निर्वाचनबाट प्रथम उपाध्यक्ष र एक सदस्यबाहेक अन्य सबै पदमा फुर नेतृत्वको टिम विजयी भएको हो । कोषाध्यक्षमा ङिमा नुर्बु शेर्पा र सुमी लामाको बराबरी मत आएको छ । उनीहरूबिच कार्यकाल आधाआधा गर्ने सहमति भएको छ ।
वरिष्ठ उपाध्यक्षमा शेर्पा समूहका ईश्वर पौडेलले ३४५ मत ल्याएका छन् भने उनका प्रतिस्पर्धी टिका गुरुङले २५८ मत ल्याएका छन् । प्रथम उपाध्यक्षमा मिङ्मा ग्याबो शेर्पा, द्वितीय उपाध्यक्षमा बोधराज भण्डारी ,महासचिवमा राजेन्द्र लामा विजयी भएका छन् । यसैगरी सचिवमा चन्दन थापा विजयी भए ।
सदस्यमा माधवकुमार धमला, केदार न्यौपाने, थुप्देन शेर्पा, गोकुल थापा, मुलाल गुरुङ, देण्डी शेर्पा, विक्रम कार्की, रिञ्जे शेर्पा, देवेन्द्र डङ्गोल, दिकी शेर्पा र निशा भोटे विजयी भएको निर्वाचन समितिले जनाएको छ ।
