वीरगञ्जको मुरलीकोट बाट सुरु भएको हैजा प्रकोप महानगरका अधिकांश क्षेत्रमा फैलिन थालेको छ । गत साता देखि सुरु भएको संक्रमण दिनप्रतिदिन बढ्न थालेको हो । वीरगञ्ज महानगरपालिकाका स्वास्थ्य महाशाखा प्रमुख राजु साहले दिएको जानकारी अनुसार आईतबार सम्म ७१ जनामा संक्रमण पुष्टि भएको थियो भने सोमबार त्यसमा आठ जना बढेका हुन् । यो संङख्या अझै बढ्न सक्ने अनुमान गरीएको छ । हैजाको स्रोत भने पत्ता नलागेको साहको भनाई छ । संक्रमण भएकाहरुको पर्साका विभिन्न अस्पतालमा उपचार भईरहेको छ ।
