निजामति सेवा विधेयकमा छेडखानी प्रकरणमा नैतिकता देखाउँदै सभापति रामहरी खतिवडाले पदबाट राजिनामा दिएपछि प्रतिनिधी सभाको राज्य व्यवस्था तथा शुसासन समिति नेतृत्व विहीन छ । समितिको शभापति पदका लागि भोली बुधवार निर्वाचन हुदैछ । यसअघि कांङ्ग्रेसको भागमा परेको यो समितिमा अब पनि कांङ्ग्रेसकै सासंसद सभापति बन्ने पक्का पक्की छ । तर अबको सभापति को भन्ने कांङ्ग्रेसले तय गर्न सकेको छैन । समितिको सभापतिका लागि धेरैको आकांङ्क्षा भएपनि पाटी सभापति शेरबहादुर देउवाकै तजबिजमा एकजनाले यो पद प्राप्त गर्नेछ ।
संसदको यो समितिमा २७ जना सांसद रहेका छन् । यीमध्ये कांङ्ग्रेसका ९ र सत्तारुढ दल नेकपा एमालेका ६ जना सांसद रहेका छन् । कांग्रेसका तर्फबाट समितिमा अम्बिका बस्नेत, गगनकुमार थापा, दिलेन्द्रप्रसाद बडू, विश्वप्रकाश शर्मा, सरिता प्रसाई, हृदयराम थानी, पूर्णबहादुर खड्का, ईश्वरीदेवी न्यौपाने र रामहरि खतिवडा सदस्य रहेका छन् ।
पार्टीमा उपशभापति रहेका पुर्णबहादुर खड्का सभापतिका दाबेदार छैनन् । किनकी उनी अहिलेको सत्तागठबन्धनको संयन्त्रमा रहेका छन् ।थापा महामन्त्री र पाएसम्म सरकारमा पार्टीमा नेतृत्व गर्ने ध्याउन्नमा छन् । महामनत्री विश्वप्रकाश शर्मा पनि समितिकै सभापतिमा मरिहत्ये गर्नेमा देखिदैनन् । बाँकी मध्ये अम्बिका बस्नेत, हृदयराम थानी , सरीता प्रसाई दिलेन्द्रप्रसाद बडु समितिको सभापति पदका लागि मुख्य दाबेदार हुन् । यसमा पनि थानी पार्टीको संस्थापनईतर खेमामा लागेकाले देउवाले उनलाई सभापति बनाउने सम्भावना नरहेको जानकार बताउँछन् । यस्तोमा सभापति देउवाको रोजाईमा सांसद बडु पर्नसक्ने अधिक सम्भावना रहेको कांग्रेस स्रोत बताउँछ । यद्यपि राज्य व्यवस्था समितिको सभापति कसलाई बनाउने भनेर कांग्रेसले आन्तरिक छलफललाई भने तीव्रता दिएको छ ।