मन्त्रीपरिषदको प्रमुख कसलाई भन्ने विवाद अन्तरिम मन्त्रीपरिषदको प्रमुख कसलाई बनाउने भन्ने विषयमा जेनजीका समूहसमूहले छुट्टाछुट्टै नाम अघि सार्दा उनीहरूबीच सैनिक मुख्यालय अगाडि कुटाकुट भएको छ । विवाद बढ्दै गएपछि एक समूहले अर्को समूहकाहरूलाई खेटाइखेदाइ भकुरिरहेका छन् ।

हर्क साम्पाङलाई बनाउन नहुने भन्दै विरोध गरेपछि साम्पाङका समर्थकले कुटपिट गरेका हुन् । बिहीबार सुन्धारामा यही विषयले उग्र रूप लिँदा साम्पाङ समर्थक र अन्य समूहबीच झडप भएको हो। परिस्थितिलाई नियन्त्रणमा लिन ठूलो संख्यामा सुरक्षा फौज परिचालन गरिएको छ।

राजनीतिक मागसहित सुरु भएको यो आन्दोलन अहिले सत्ता संरचनाको आमूल परिवर्तनमा पुगिसकेको छ। सरकारले नियन्त्रण गुमाएपछि देश आज सरकारविहीन अवस्थामा पुगेको छ। नेपाली सेना मात्र सक्रिय रहँदै अन्तरिम सरकार गठनको प्रक्रिया अघि बढाइरहेको छ। सेनाले विभिन्न जेनजी समूहसँग वार्ता गरेर निकास खोज्ने प्रयास गरिरहेको छ।