राष्ट्रिय अनुसन्धान विभागका प्रमुख हुतराज थापा शनिबार रातीबाट अनिवार्य अवकाशमा जाने भएका छन्। मुलुकको आन्तरिक सुरक्षा चुनौतीबाट गुज्रिएको अवस्थामा विभागका मुख्य अनुसन्धान निर्देशक हुतराज थापा अवकाशमा जान लागेका हुन् ।
थापा ०७९ भदौ २८ गते गुप्तचर प्रमुखमा नियुक्त भएका थिए । थापाको अवकाशसँगै ०५३ मा अनुसन्धान अधिकृतबाट सेवा प्रवेश गरेका उनकै ब्याचीमध्ये एकजना नयाँ गुप्तचर प्रमुख बन्नेछन् ।
गुप्तचर प्रमुखका निम्ति ओम जोश र टेकेन्द्र कार्की प्रतिस्पर्धा छ्न । जोशी हाल प्रशासन विभाग प्रमुख छन् । कार्कीले प्रदेश समन्वय विभाग र इन्टिलिजेन्सको नेतृत्व गरिरहेका छन् । गुप्तचर प्रमुख मन्त्रिपरिषद्ले नियुक्त गर्ने कानुनी व्यवस्था छ । ‘जेनजी’ पुस्ताको प्रदर्शन हिंसात्मक बन्दा नेपाली सेनाले सुरक्षा कमान्ड सम्हालेको छ । प्रतिस्पर्धीमध्ये कार्कीको स्थित बलियो देखिएको छ।
उनी त्रिभुवन विश्वविद्यालयबाट जनप्रशासनमा स्नातकोत्तर छन् र कार्यसम्पादनमा अगाडि मानिन्छन्। जोशी भर्ना मितिमा केही अगाडि भए पनि ऐन–नियमले ज्येष्ठतालाई आधार नमान्ने भएकाले कार्की अग्रस्थानमा छन्। जोशी कञ्चनपुरका हुन् भने कार्की जुम्लाका स्थायी बासिन्दा हुन्।
