राष्ट्रियसभाका अध्यक्ष नारायण दाहाल र अन्तरिम प्रधानमन्त्री सुशीला कार्कीबीच भेटवार्ता भएको छ । अध्यक्ष दाहालले प्रधानमन्त्री निवास बालुवाटार पुगेर कर्कीसँग भेटवार्ता गरेका हुन् ।
भेटमा विकसित राजनीतिक घटनाक्रमसहित राष्ट्रियसभाले अब खेल्नसक्ने भूमिकाको विषयमा छलफल भएको बताइएको छ । साथै, अध्यक्ष दाहालले प्रधानमन्त्री कार्कीलाई बधाई तथा शुभकामना पनि दिएका छन् ।
सो अवसरमा अन्तरिम प्रधानमन्त्री कार्कीले देशलाई शान्ति र स्थिरतातिर लैजान राष्ट्रियसभाको महत्त्वपूर्ण भूमिका हुने बताएको दाहालको सचिवालयले जनाएको छ ।
