जेनजीको प्रदर्शनका कारण अस्तव्यस्त बनेको मुलुक पुर्ननिर्माणका लागि भन्दै नेपाली कांग्रेसका नेता दिब्यमणी राजभण्डारीले ५१ लाख रुपैया सहयोग गर्ने घोषणा गरेका छन् । राजभण्डारीले सामाजिक संजाल फेसबुक मार्फत सो घोषणा गरेका हुन् ।
पुर्व सांसद समेत रहेका राजभण्डारीले युवा सहिदहरूलाई श्रद्धान्जली भन्दै सो रकम राष्ट्र निर्माणका लागि सहयोग गर्ने घोषणा गरेका हुन् । उनले सबैलाई राष्ट्र निर्माणमा सहयोग गर्न समेत अपिल गरेका छन् ।
राजभण्डारीले कोरोनाकालमा केन्द्रीय राहत कोषमा सबैभन्दा पहिला ५ लाख दिने घोषणा गरेका थिए ।
साथै कोरोनाका कारण व्यवसायीहरुले व्यवसाय नै बन्द गर्नुपर्ने भएपछि न्यूरोडस्थित आफ्नो व्यवसायिक कम्प्लेक्स दोलखा छेंमा भाडामा रहेकाहरुसँग राजभण्डारीले दुई महिनाको भाडा नलिई उनीहरुलाई राहत दिएका थिए ।
