नेपाली कांग्रेसले ‘जेनजी’ आन्दोलनका क्रममा भएको क्षतिको प्रारम्भिक विवरण सार्वजनिक गरेको छ । कांग्रेसले सार्वजनिक गरेको विवरणअनुसार पार्टीको केन्द्रीय कार्यालयबाहेक ४८ जिल्लाका पार्टी कार्यालय जलेका छन् । त्यसैगरि पार्टीका दुई प्रदेश सभापतिसहित ३६ केन्द्रीय नेताको घरमा तोडफोड, लुटपाट र आगजनी भएको छ ।
यसैगरी नेपाली कांग्रेसले पार्टी केन्द्रीय कार्यालयमा लुटपाट, तोडफोड र आगजनी हुँदा १० करोड रुपैयाँबराबरको क्षति भएको विवरण सार्वजनिक गरेको छ । पार्टी कार्यालयको माथिल्लो बैठक कक्षका अधिकांश कुर्सी चोरी भएको बताइएको छ । केन्द्रीय समितिको बैठक हलका कुर्सीहरू भने डढेर मेटल फ्रेम बाँकी छन् ।
नेपाली कांग्रेसले पार्टी कार्यालयमा भएको क्षति एकीन गर्न र पुनर्निर्माणका लागि लाग्ने खर्चको ‘इस्टिमेट’ तयार पार्न पुलचोक क्याम्पसका प्राध्यापकको नेतृत्वमा समिति नै बनाएको छ । उक्त समितिमा नेपाली कांग्रेसको केन्द्रीय कार्यालयको जग हाल्दादेखि काम गरेका इन्जिनियरहरू समेटिएको नेपाली कांगे्रसका मुख्यसचिव कृष्णप्रसाद पौडेलले जानकारी दिए ।
