चितवनबाट प्रतिनिधित्व गर्ने नेपाली कांग्रेसका महाधिवेशन प्रतिनिधिहरूको भेलाले आगामी मंसिर मसान्तभित्रमा नियमित महाधिवेशन सम्पन्न गर्न नेतृत्वलाई दबाब दिने दिने निर्णय गरेको छ।
विहिबार भएको भेलाले मंसिरभित्र नियमित महाधिवेशन गर्न नसक्ने अवस्था भए सोही मितिमै विशेष महाधिवेशन गर्न दबाब दिने निर्णय सर्वसम्मत रूपमै गरेको निवर्तनमान जिल्ला सभापति जीतनारायण श्रेष्ठले सामाजिक संजाल मार्फत जानकारी दिएका छन् ।
सो भेलामा ९० प्रतिशत महाधिवेशन प्रतिनिधि सहभागी थिए। केन्द्रीय सदस्य उमा रेग्मी, टेकप्रसाद गुरुङ, जिल्ला सभापति राजेश्वर खनाल, पूर्व जिल्ला सभापति रामकृष्ण घिमिरेलगायत ६० जना महाधिवेश प्रतिनिधिहरु बैठकमा सहभागी थिए।
संस्थापन पक्षमा रहेका प्रतिनिधिसमेत सहभागी रहेको भेलाले विशेष महाधिवेशन गर्न पार्टीलाई दबाब दिएको हो।
