सानेपामा विहिबादेखि सुरु भएको नेपाली कांग्रेसको पदाधिकारी तथा पूर्वपदाधिकारीहरूको बैठक आज पनि बस्दै छ ।
पूर्व र वर्तमान पदाधिकारीहरूले धारणा राख्ने क्रम नसकिएपछि बैठक आज दिउँसो १ बजे पुनः बस्ने तय गरिएको हो।
प्रवक्ता प्रकाशशरण महतका अनुसार बैठकमा पछिल्ला राजनीतिक घटनाक्रम, पार्टीको भूमिका र लोकतान्त्रिक मूल्य–मान्यताको रक्षा कसरी गर्ने भन्ने विषयमा छलफल भएको छ।
आगामी असोज २६ गतेका लागि तय भएको केन्द्रीय कार्यसमिति बैठकअघि साझा धारणा बनाउन पदाधिकारी बैठक निरन्तरता पाएको कांग्रेस स्रोतले जनाएको छ।
