नेपाली कांग्रेस सुदुरपश्चिम प्रदेश समितिका सभापति एवं पूर्वमन्त्री वीरबहादुर बलायरले नियमित महाधिवेशन शेरबहादुर देउवाले नगरेको हो कि केन्द्रीय समितिले नगरेको भनि प्रश्न गरेका छन् ।
कांग्रेस केन्द्रीय समिति बैठकमा बोल्दै उनले भने–‘महामन्त्रीले यहाँ मंसिरमै महाधिवेशन गर्ने भन्नुभयो । गर्नुस् न कसले रोकेको छ रु शेरबहादुरले रोकेको हो ? जसको म्याद गुज्रिसकेको छ । उसको हस्ताक्षर ल्याएर म्याद सकिएको कार्यसमितिको विशेष महाधिवेशन गर्ने ? कसले छेक्यो, मंसिरमा महाधिवेशन गर्न ?’
मंसिरमा महाधिवेशन गर्न महामन्त्रीहरुलाई कसैले नरोकेको भन्दै म्याद सकिएका प्रतिनिधिहरुको हस्ताक्षर अभियान गलत भएको बताए । उनले अघिल्लो दिनसम्म शेरबहादुर देउवालाई तथानाम भन्नेहरु देउवाले कार्यवाहक सभापति तोक्नेबित्तिकै देउवाको गुणगानमा लिप्त भइसकेको बताए ।
विशेष महाधिवेशनको औचित्य पुष्टी नहुने भन्दै उनले सरकार सञ्चालनको संयन्त्रमा बसेका र मन्त्री भएकाहरुले पनि सभापति देउवालाई दोष दिनु आश्चर्यको विषय भएको बताए ।
