लमजुङको मर्स्याङ्दी गाउँपालिका – ५ घेर्मुका क्याप्टेन देब बहादुर घले तमु धी युकेको सर्बोच्च सम्मान “आदर्श तमु अवार्ड २०२५” बाट बिभुषित हुनुभएको छ ।
१८ अक्टोबर २०२५ मा अल्डरसटको एम्पाइर हलमा आयोजना गरिएको तमु धी युके “आजीवन सदस्य रात्री भोज कार्यक्रम २०२५” मा कार्यक्रमका प्रमुख अतिथि नियोग प्रमुख बिपिन दुवाडीले अवार्ड प्रदान गर्नुभएको हो ।

तमु धी युकेलगायत विभिन्न सस्थामा विभिन्न भुमिका र जिम्मेवारीमा रहि निरन्तर निस्वार्थ रुपमा सेवामा समर्पित भइ अब्बल सेवक प्रमाणित गरेको भन्दै सम्मान गरेको आयोजकले जनाएको छ ।
सम्मानित हुनुभएका घले २७ बर्षको लामो सक्रिय सैनिक सेवा पश्चात् सेवा निबृत्त भइ पुन: फस्ट बटालियन कोल्ड स्ट्रीम गार्डमा सोही दर्जामा कार्यरत हुनुका साथै बिभिन्न संघसस्थामा आवद्द भई समाज सेवामा समर्पित हुनुहुन्छ । सथै उहाँले Her Majesty Lord Lieutenant को अवार्ड पनि थापिसक्नु भएको छ ।

तमु धी युकेको ११औं कार्य समितिमा खेलकुद सचिवको रुपमा कार्यरत भई कोभिडको विषम परिस्थितिको बाबजुत सफल २ गोर्खा कपको आयोजना गर्नुभयो । ३ बर्ष क्याम्बर्ली गोर्खा एसोसिएसन र १२ बर्ष बाघेता समाज युकेको नेतुत्व गर्नुभयो । घले हाल बिसीसी युकेको उपाध्यक्ष हुनुहुन्छ ।