प्रहरीले सप्तरीमा आइबार राती स्रोत नखुलेको २३ लाख नगदसहित दुई जनालाई पक्राउ गरेको छ। राजविराज नगरपालिका–२, भेडिया नजिक गाईघाट–कदमाहा सडकखण्डमा प्रहरीले आइतबार राति चेकजाँचका क्रममा उनीहरूलाई नियन्त्रणमा लिएको हो।
पक्राउ पर्नेमा झापा दमक नगरपालिका–५ का २७ वर्षीय किरण सिटौला र सोही गाडीमा सवार १८ वर्षीय धिरज प्रसाई छन्। बरामद रकममा एक हजार दरका एक हजार ३९९ थान र पाँच सय दरका एक हजार ८०२ थान नोट रहेको प्रहरीले जनाएको छ ।
उनीहरूको साथबाट टेकोन पम्प एक सय थान, टीएनइएच ब्याट्री ३४ थान, लिथियन ब्याट्री एक थान, ई–रिक्सा मोटर तीन थान, स्कुटर ब्याट्री चार्जर सात थान, ब्याट्री टेस्टर एक थान र सानो हर्न स्पिकर एक थान बरामद गरिएको प्रहरीले जनाएको छ।
उनीहरू सप्तरीको दक्षिण कदमाहाबाट उत्तर गाईघाटतर्फ जाँदै गरेको बप्र ०१–०२८ च ५००८ नम्बरको सेतो टोयोटा हाईलेक्समा सवार थिए ।
