नेपाली कांग्रेसका नेता एवम् पूर्वमन्त्री अफताब आलमको निधन भएको छ । स्वास्थ्य समस्याका कारण सिनामंगलस्थित काठमाडौं मेडिकल कलेजमा उपचार गराइरहेका ६३ वर्षको उमेरमा गएराति करिब साढे २ बजे उनकाे मृत्यु भएको अस्पताल स्रोतले जनाएको छ ।
उनमा सुगर र उच्च रक्तचापलगायतको समस्या थियो । उनले दसैँअगाडि नै उपचार गराउँदै आएका थिए ।
रौतहटबाट प्रतिनिधिसभामा निर्वाचित उनले विगतमा वन तथा वातावरण, साथै श्रम तथा रोजगार मन्त्रालयको नेतृत्वसमेत सम्हालेका थिए।
उनीमाथि २०६४ सालको निर्वाचनको तयारी गरिरहँदा बम विस्फोटमा घाइते भएकालाई जिउँदै इट्टाभट्टामा जलाएको आरोप आलममाथि थियो ।
