नेपाली काग्रेसका कार्यबहाक सभापति पूर्णबहादुर खड्काले हतारमा निर्णय गरेर पछि पछुताउनुभन्दा पार्टीलाई एकताबद्ध राखेर प्रतिकूल समयको पदचापलाई सामना गर्न सक्ने गरी निर्णय गर्न केही समय लागेको बताएका छन् । उनले साजिक संजालमा लेख्दै महाधिवेशनका बारेमा निर्णयमा पुग्न ढिलाइ भइरहेका बेला शनिबार फेसबुकमार्फत् नेता–कार्यकर्ताहरूलाई धैर्यता राखिदिन अनुरोध गरेका हुन् ।
उनले लेखेका छन् – ‘इतिहासमै देश र पार्टीमाथि देखिएको प्रतिकूल अवस्थालाई ध्यानमा राखेर निर्णय गर्न केही समय ढिला भए पनि हतारमा निर्णय गरेर पछि पछुताउनुभन्दा पार्टीलाई एकताबद्ध राखे र प्रतिकूल समयको पदचापलाई सामना गर्न सक्ने गरी निर्णय गर्न केही समय लागेको छ । साथीहरू सबैले एकताबद्ध भएर यो महत्वपूर्ण मर्मलाई बुझिदिइ धैर्यता राखिदिन हाम्रो विशेष अनुरोध छ ।’
कांग्रेस पछिल्लो समय पार्टीको महाधिवेशनको विषयमा तीन थरी विवादमा घेरिएको छ । संस्थापन पक्ष आगामी निर्वाचनपछि मात्रै महाधिवेशन गर्नुपर्ने बताइरहँदा इतर समूह निर्वाचन अगावै गर्नुपर्ने अडानमा छ । २१ फागुनमा तय भएको निर्वाचनअघि नियमित महाधिवेशन नगरे विधानअनुसार विशेष महाधिवेशन गर्नै पर्ने उनीहरूको भनाइ छ ।
