नेपाली काङ्ग्रेस केन्द्रिय कार्यसमिति बैठक फेरि सारिएको छ । भोलि १४ गतेलाई बोलाइएको बैठक एकदिन पछि सारिएको हो ।महाधिवेशनको मिति तोक्ने बिषयमा उत्पन्न विवाद उत्कर्षमा पुगिरहदा फेरि एकपटक बैठकको मिति सरेको हो । आज पनि मुख्य सचिव कृष्ण प्रसाद पौडेलको हस्ताक्षरमा बैठकको मिति परिवर्तन भएको बारे सुचना निकालिएको छ ।
सम्भवत : अबको बैठक सोमवार बस्नेछ । महामन्त्रीद्वय गगन थापा र बिश्वप्रकाश शर्माले अगुवाई गरेको विशेष महाधिवेशनको मागका विषयमा कार्यवाहक दिइसकेका सभापती शेरबहादुर देउवासहितको छलफल समेत निष्कर्षमा पुग्न सकेको छैन । देउवाले लगातार ३ दिन छलफल गरि सकेका छन ।
खासगरि काङ्ग्रेसमा फागुन २१ को निर्वाचन अघि कि पछि महाधिवेशन गर्ने बारे मुख्य विवाद छ । यसमा सभापती देउवा लाइन निर्वाचन पछि महाधिवेशन गर्ने पक्षमा छ भने महामन्त्रीद्वयको लाइन निर्वाचन अघि महाधिवेशन गर्ने भन्नेमा छ ।
कथमकदाचित पार्टिको कार्यकारी सुम्पिसकेका सभापती देउवा सङ्ग पनि कुरा नमिले महामन्त्री समूह आफ्नै पार्टिको आन्तरिक विवाद अदालत सम्म पुर्याउने तयारीमा छ ।
