नेपाल प्रिमियर लिग (एनपिएल) अन्तरगत आज कर्णाली याक्स र काठमाडौं गुर्खाजबिच प्रतिस्पर्धा हुँदैछ । त्रिभुवन विश्वविद्यालय क्रिकेट मैदानमा दिउँसो साढे तीनबजे दुई टोली मैदानमा भिड्ने भएका हुन् ।
प्रतियोगितामा ४ खेल खेलेको कर्णालीले एउटामा मात्र्र नतिजा आफ्नो पक्षमा पार्न सफल भएको छ । प्रतियोगिताको अंकतालिकामा छैटौ स्थानमा रहेको कर्णालीलाई प्ले अफको यात्रा कायम राख्न आजको खेल जित्नै पर्ने दबाब छ ।
काठमाडौ भने ६ अंकका साथ तालिकाको तेस्रो स्थानमा छ । उसका लागिपनि आजको खेल महत्वपूर्ण छ ।
प्रतियोगिता अन्तरगत हिजो सम्पन्न खेलमा सुदूरपश्चिम रोयल्सले आफ्नो अपराजित यात्रालाई कायमै राख्यो । जनकपुर बोल्ट्सलाई ६ विकेटले हराउँदै सुदूरपश्चिमले लगातार पाँचौ जित निकालेको हो । यो जितसँगै सुदूरपश्चिम एनपीएल दोस्रो संस्करणको प्लेअफमा स्थान बनाउने पहिलो टोली बनेको छ । सुदुरपश्चिमले आफ्ना दुई खेल अगावै प्ले अफ को स्थान पक्का गरेको हो ।
यसअघि हिजो नै भएको अर्को खेलमा लुम्बिनी लायन्सले पोखरा एभेन्जर्समाथि तीन विकेटको जित निकालेको छ । पोखराले दिएको १५१ रनको लक्ष्य लुम्बिनीले १९ ओभर ४ बलमा ७ विकेट गुमाएर पूरा ग¥यो ।
टस हारेर पहिले ब्याटिङ गरेको पोखराले निर्धारित २० ओभरमा पाँच विकेटको क्षतिमा १५० रन बनाएको थियो । यो जितपछि लुम्बिनीले ५ खेलबाट ४ अंक जोडेको भने पराजित बनेको पोखराको चार खेलबाट २ अंक छ ।
