चलचित्र झरीपछिको इन्द्रेणीको पोस्टर सार्वजनिक भएको छ । हास्य कलाकार अर्जुन घिमिरे पाँडेको निर्देशनमा निर्माण भएको सो चलचित्रको आइतबार सार्वजनिक गरेको पोस्टरमा चलचित्रमा अधिकांश मुख्य कलाकार अटाएका छन् ।
कलाकारहरूलाई क्यारेक्टर लुक्समा देख्न सकिन्छ । चलचित्रबाट अभिनेता गणेश उप्रेती लामो समयपछि कमव्याक गर्नेभएका छन् । झरीपछिको इन्द्रेणीमा गणेशसहित रमेश उप्रेती, प्रकाश घिमिरे, दीपाश्री निरौला, सरिता गिरी, देशभक्त खनाल, निर्मल शर्मा, अर्जुन घिमिरे पाँडे, प्रियना आचार्य मुन्नी, अंशु महर्जनलगायत कलाकारको अभिनय रहने निर्माण पक्षले जनाएको छ ।
चलचित्रको एउटा गीतमा मोडल अञ्जली अधिकारी र कोरियोग्राफर प्रदीप लामा पनि विशेष भूमिकामा देखिनेछन् । निर्देशक घिमिरे स्वयंको कथा रहेको चलचित्रको पटकथा र संवाद गणेश कार्की र विशाल घिमिरेले लेखेका छन् । चलचित्रलाई बुद्ध थापाले खिचेका छन् ।
