नेकपा एमालेका नेता महेश बस्नेतले सरकारले नेकपा एमालेको महाधिवेशन विथोल्न खोजेको आरोप लगाएका छन् । नागढुंगा–मलेखु सडक बन्द गराउने निर्णय गरेर एमाले महाधिवेशन विथोल्ने नियत राखेको आरोप लगाएका हुन् ।
आज बिहान फेसबुकमा लेखेका छन्,–‘मंसिर २४ देखि पुस १ गतेसम्म गजुरी खण्डको साँघुरो र जोखिमपूर्ण रहेको पोखरेभिर क्षेत्रमा सडक चौडा गर्ने बहानामा नागढुंगादेखि पिप्लामोडसम्म र पोखरेभीर क्षेत्रमा मंसिर २४ (बुधबार) देखि पुस १ गतेसम्म बिहान साढे १० देखि दिउँसो साढे ३ बजेसम्म यातायात बन्द गराउने सरकारी निर्णय पूर्ण रूपमा गलत उद्देश्यप्रेरित छ ।’
सरकार र भौतिक पूर्वाधार तथा यातायात मन्त्री कुलमान घिसिङले गरेको यो कदम गलत मात्र होइन—प्रतिशोधको राजनीति भएको उनले उल्लेख गरेका छन् । उनले प्रतिशोधको बदला प्रतिशोध नै हुने चेतावनी दिदै तत्काल निर्णय फिर्ता गरेर पौष पहिलो हप्ता देखि काम गर्नु सरकार र कुलमान दुबैको हितमा हुने जिकिर गरेका छन् ।
