सरकारले घोषणा गरेको फागुन २१ को प्रतिनिधि सभा निर्वाचन हुनेमा जो कोहि निश्चिन्त छैनन । तर नेपाली काङ्ग्रेसके त्यो चुनावका लागि उम्मेदवार तय गर्ने गरि सिफारिस मागिरहेको छ ।
यो क्रममा कुनै निर्वाचन क्षेत्रमा एकल उम्मेदवार सिफारिस भएको छ भने कतिपय नेताको भने दुई वा त्यो भन्दा बढी निर्वाचन क्षेत्रबाट सिफारिस भएको छ । तर शालिन र सभ्य साथैमा उत्कर्षमा पुग्न लागेको काङ्ग्रेसको १५ औ महाधिवेशनमा सभापतिका मुख्य र प्रवल दावेदार मानिएका पुर्व महामन्त्री डा.शशांक कोइरालाको राष्ट्रिय चुनावमा उपस्थिति के हुन्छ भन्ने स्वभाविक छ ।
यसै अन्तरग्त फागुन २१ गते हुने प्रतिनिधिसभा निर्वाचनका लागि नेपाली कांग्रेस नवलपुर क्षेत्र नं. १ ले आफ्नो क्षेत्रका विभिन्न तर्फका उम्मेदवारहरूको नाम केन्द्रमा सिफारिस गरेको छ। क्षेत्रीय समितिका तर्फबाट प्रतिनिधिसभा, राष्ट्रिय सभा तथा समानुपातिकका नामावली आधिकारिक रूपमा पार्टी केन्द्रमा पठाइएको हो ।
जसमा प्रत्यक्ष तर्फ प्रतिनिधिसभा उम्मेदवारको पहिलो नम्बरमा डा. शंशाक कोइराला (बीपी पुत्र) को नाम सिफारिस गरिएको छ। उनी सङ्गै महेन्द्रध्वज जिसी, गजेन्द्र बहादुर आले, ओम सापकोटा, अमृत भट्टचन, ओमकला चालिसे, बालकृष्ण घिमिरे, हेमराज कोइराला, अमृत श्रेष्ठ र दाताराम घिमिरेको नाम सिफारिस सूचीमा समावेश गरिएको छ।
त्यसैगरी राष्ट्रिय सभा तर्फ कृष्णचन्द्र नेपाली दोर्णवन सन्यासी र भानु सिग्देललाई केन्द्रमा सिफारिस गरिएको बताइएको छ।समानुपातिक सूचीमा भने सत्यनारायण खनाल, विष्णु पाण्डे, धनबहादुर राना मास्के, टोलनाथ घिमिरे, सङ्गीता घिमिरे, सरस्वती तिमिल्सेना र शान्ति न्यौपानेको नाम समावेश छन्। क्षेत्रीय सहसचिव तेजप्रसाद घिमिरेका अनुसार सबै नाम पार्टीको प्रदेश तथा केन्द्रिय प्रक्रियाअनुसार पठाइएको हो।
“लगातार निर्वाचन जितिरहेका डा.शशांक यो पटक पनि बलिया दावेदार र उम्मेद्द्वार हुन । उनको उम्मेदवारी मा विवाद नहोला ।” नवलपुर क्षेत्र नम्वर १ का एक स्थापित नेताले भने ।
