गैर आवासीय नेपाली सघंका आईसीसी सदस्य मदनराज पौडेलले संघको १२औं बृहत अन्तरराष्ट्रिय महाधिवेशन पोखरामा गर्न प्रस्ताव गरेका छन् । संघको आगामी फेब्रुबरी २३,२४ र २५ मा हुने १२ औ महाधिवेशन पोखरामा गर्न पौडेलले केन्द्रीय समितीमा प्रस्ताव गरेका हुन् । उनले आसन्न महाधिवेशन सुन्दर नगरी पोखरा सबै हिसाबबाट उपयुत्त रहेको र पोखरामा महधिवेशन गर्नका लागि आफू सबै पक्षसंग समन्वय गर्न तयार रहेको बताएका छन् ।
प्रस्तावमा उनले लेखेका छन् – ‘आगामी फेब्रुबरी २३,२४ र २५ हुने आसन्न महाधिवेशन सुन्दर नगरी पोखरा सबै हिसावबाट उपयुत्त रहेको र पोखरामा महाधिवेवेशन सम्पन्न गर्न आवश्यक व्यवस्थापनका लागि यदी केन्द्रिय समिति र स्टेरिङ समितिबाट निर्णय भए आफु महाधिवेशन सम्पन्न गर्न पोखरामा आवश्यक पर्ने सबै सरोकार वाला, पर्यटन व्यवसायी , पोखरा महानगर पालिका सबैसग समन्य गरेर १२ औं महाधिवेशन पोखरामा भव्यताका साथ सम्पन्न गर्ने प्रतिवद्दता व्यक्त गर्दछु ।’
उनले ८० लाख नेपालीहरुको साझा चौतारी हाम्रो साझा मन्दिर एनआरएनएको महाधिवेशन पोखरा गर्ने निर्णय गर्नु हुनेछ भन्ने विस्वास लिएको बताएका छन् ।
