जेन–जी फ्रन्टकी संयोजक रक्षा बमले आजदेखि आन्दोलन घोषणा गरेका जेनजी मिराज ढुंगाना र जेनजी अगुवाको दाबि गर्ने सुधन गुरुङलाई संसद पुनस्थापना र सर्वपक्षीय सरकारको माग राख्दै नहिँड्न कडा चेतावनी दिएकी छन् । उनले आइतबार राती सामाजिक सञ्जाल फेसबुकमा स्ट्याटस लेख्दै अब पश्चगामी बाटोतर्फ जानुभन्दा नयाँ जनादेश लिएर नयाँ संसद मार्फत मुलुकलाई निकास दिदै, हाम्रा मुद्दाहरू सम्बोधन गरिने बाटो खोजिनुपर्ने बताएकी छन् ।
उनले लेखेकी छन् –‘जेन–जी मित्र र जेन जीका दाई दुवैलाई भन्न चाहन्छु, तपाईंहरू दुबैले जुन संसद पुनस्थापना को कुरा गरिरहनु भएको छ, हाम्रो देशको राजनैतिक कोर्स त्यहाँबाट निकै अगाडि बढिसकेको छ’, उनले भनेकी छन्, ‘अब पश्चगामी बाटोतर्फ जानुभन्दा नयाँ जनादेश लिएर नयाँ संसद मार्फत मुलुकलाई निकास दिदै, हाम्रा मुद्दाहरू सम्बोधन गरिने बाटो खोजिनुपर्दछ ।’
उनले सुधन गुरुङ एक टिलिभिजन अन्तरवार्तामा यी हातले चुरा लागएका छन र भन्ने भनाई पनि आपत्ती जनाएक छन् । उनले फेसबुकमा लेखेकी छन् – ‘चुरा लगाएका हातलाई कमजोर ठान्ने पितृसत्तावादी भूल नगर्नुहोला । स्त्रीद्वेषी टिप्पणी दिन छोड्नुस् र याद गर्नुस्, परिवर्तनका हरेक आन्दोलनहरूमा महिलाहरूले पनि आफ्नो रगत पसिना एक गरेका छन् । भदौ २८,२०८२ मा ढोगेको खुट्टा सम्झनुस् । तपाईँले चुरा लगाएकै हात भएकी एक महिलाको खुट्टामा लम्पसार परेर ढोग्नुभएको थियो ।’
उनले हाम्रो राजनीतिक कोर्स धेरै अगाडि बढिसकेकाले अब पश्चगामी बाटोतर्फ नगई नयाँ जनादेशलाई लिएर अगाडि बढ्न सुझाएकी छन् ।
