तत्कालीन गृहमन्त्री रमेश लेखकले आज जाँचबुझ आयोगमा बयान दिने भएका छन् । भदौ २३ र २४ गतेको घटना सम्बन्धी छानबिन गर्न गठित जाँचबुझ आयोगले बयानका लागि बोलाएकोमा लेखक आज बयान दिन जाने भएका हुन् । बयानका लागि विहान ११ बजे आयोगमा जाने लेखकले लगत्तै पत्रकार सम्मेलनमार्फत आफ्ना धारणा सार्वजनिक गर्ने तयारी गरेको बताईएको छ ।
भदौ २३ गते जेनजी आन्दोलन हुँदा गृहमन्त्री रहेका लेखकले उक्त दिन प्रहरी दमनमा १९ जनाको मृत्यु भएपछि २४ गते राजीनामा दिएका थिए । सोही दिन सिंहदरबार लगायतका स्थानमा आगजनी भएको थियो भने केपी शर्मा ओली नेतृत्वको सरकार ढलेको थियो ।
जाँचबुझ आयोगले उक्त समयमा भएको जनधनको क्षतिबारे बुझ्न तल्लो तहका सुरक्षा अधिकारीसहित विभिन्न राजनीतिक ब्यक्तिहरुसँग पनि बयान लिईसकेको छ । तत्कालिन प्रधानमन्त्री केपी शर्मा ओलीसँग पनि बयान लिने तयारी गरिरहेपनि ओलीले बयान दिन ईन्कार गर्दै आएका छन् ।
