भदौ २३ र २४ को जेन जि बिद्रोह पछि चर्चामा आएका सुदन गुरुङ्ग गोरखाबाट चुनाव लड्ने घोषणा गरेका छन् । आज सामाजिक सन्जाल फेसबुकमा स्टाटस लेख्दै गुरुङ्गले गोरखा क्षेत्र नम्बर १ बाट चुनाव लड्ने उल्लेख अरेका छन् । प्रतिनिधि सभाको निर्वाचन आगामी फागुन २१ गते हुदैछ ।
फेसबुकमा गुरुङ्गले लेखेका छन् ,”गोरखा क्षेत्र नम्बर १ बाट आगामी प्रतिनिधिसभा निर्वाचनमा उम्मेदवारी दिने औपचारिक घोषणा गर्न चाहन्छु ।आफ्नै गाउँ, आफ्नै माटोबाट परिवर्तनको सुरुवात।नयाँ शक्ति, नयाँ अनुहार, नयाँ नेपाल। “
गुरुङ्गले कुन दलबाट प्रतिनिधित्व गर्दै चुनावमा जाने भन्ने केही उल्लेख गरेका छैनन् । यद्यपि राष्ट्रिय स्वतन्त्र पार्टीमा काठमाडौका मेयर बालेन्द्र शाह , उज्यालो नेपाल पार्टिका कुलमान घिसिङलाई समाहित गराउन सक्रिय बनेका थिए । तसर्थ गुरुङ्ग पनि सोही पार्टिबाट चुनाव लड्न सक्ने आँकलन गरिएको छ ।
उक्त निर्वाचन क्षेत्रमा २०७९ मा सम्पन्न निर्वाचनमा नेपाली काङ्ग्रेसका राजेन्द्र बजगाई निर्वाचित भएको क्षेत्र हो । बजगाईले ३३ हजार ४६९ मतसहित नेकपा एमालेका उम्मेदवार रामशरण बस्नेतलाई पराजित गरेका थिए । बस्नेतले १६ हजार ७८५ मत प्राप्त गरेका थिए ।
