आईसीसी महिला टी–२० विश्वकप क्रिकेटको ग्लोबल छनोटमा नेपालले आज आफ्नो अन्तिम तथा निर्णायक खेल खेल्दैछ । अहिले बिहान ९ बजेदेखि कीर्तिपुरको त्रिवि मैदानमा सुरु नेपाल र स्कटल्याण्डसँगको खेलमा नेपालले बलिङ गरिरहेको छ ।
नेपाललाई अघिल्लो चरणमा पुग्ने सम्भावना कायमै राख्न बलियो रनरेटमा यो खेल जित्नैपर्ने दबाब छ । यसका साथै थाइल्यान्ड र नेदरल्यान्ड्सबीचको खेलको नतिजाले पनि नेपालको सम्भावनालाई असर पार्नेछ । जारी खेलमा नेपालले स्कटल्यान्डलाई पराजित गरेको खण्डमा नेदरल्यान्ड्सले पनि थाइल्यान्डलाई हराएमा मात्रै नेपालको अघिल्लो यात्राको सम्भावना बलियो हुनेछ । स्कटल्यान्डसँग पराजित भएको अवस्थामा भने नेपाल स्वतः बाहिरिनेछ । त्यसको फाईदास्वरुप थाइल्यान्ड र स्कटल्यान्ड दुवै छनोट हुनेछन् । नेदरल्यान्ड्स भने यसअघि नै छनोट भइसकेको छ ।
माघ १८ गतेसम्म चल्नेछ प्रतियोगितामा दुवै समूहबाट शीर्ष तीनमा पर्ने टोलीहरू ‘सुपर–सिक्स’ मा पुग्नेछन् । ‘सुपर–सिक्स’ बाट शीर्ष चार वटा टोली आउँदो वर्ष इङ्ग्ल्यान्ड र वेल्समा हुने महिला टी–२० विश्वकपमा छनोट हुनेछन् ।
