काठमाडौँ । नेपाली काँग्रेसका सभापति गगनकुमार थापाले बस्ती खाली गराउने क्रममा भएका त्रुटिलाई सरकारले सच्याउनुपर्ने बताएका छन्।
शनिबार काठमाडौँ महानगरपालिकाले आयोजना गरेको सम्मान कार्यक्रममा सभापति थापाले केही स्थानमा स्थानीयसँग यसअघि गरिएका प्रतिबद्धता पूरा नगरी बस्ती खाली गर्ने काम भएको भन्दै सरकारका तर्फबाट भएका कमीकमजोरीलाई सच्याउनुपर्ने बताएका हुन्। लोकतन्त्रमा सरकारले आफूले गरेका निर्णयहरू तलमाथि गर्दिन भनेर सोच्न नहुने उनले बताए।
उनले नागरिकहरूले सरकारका निर्णयमाथि प्रश्न उठाए भने ती निर्णयहरू बदल्ने कुरालाई ठूलो इगोको विषय बनाउन नहुने बताए। सभापति थापाले पशुपति छेउछाउका बस्ती हटाउने विषयमा समेत सरकारले पुनर्विचार गर्नुपर्नेमा जोड दिए।
