नेपाली कांग्रेसका तीन जना पूर्वपदाधिकारीहरू छलफलमा जुटेका छन्। पूर्वउपसभापति प्रकाशमान सिंह, विमलेन्द्र निधि, पूर्वमहामन्त्री शशांक कोइरालाबीच छलफल भएको हो।
उनीहरू नेपाली कांग्रेसका संस्थापकहरू वीपी कोइराला, गणेशमान सिंह र महेन्द्रनारायण नीधिका पुत्र पनि हुन् । मध्यबानेश्वस्थित नेता निधिको निधिको निवासमा उनीहरू आज दिउँसो छलफलमा जुटेका हुन्। पार्टीभित्रको आन्तरिक विषय र समसामयिक राजनीतिक घटनाक्रमबारे उनीहरूले छलफल गरेका छन्।
उनीहरूले बेला बेला यसरी नै जुटेर छलफल गर्ने गरेका छन्। उनीहरू तिनै जना गत पुसमा भएको कांग्रेस विशेष महाधिवेशनमा सहभागी थिएनन्।
