काठमाडौँ । जिल्ला अदालत काठमाडौँले व्यवसायी दीपक भट्ट र सुलभ अग्रवाललाई तीन फरक मुद्दामा धरौटीमा रिहा गर्न आदेश दिएको छ।
न्यायाधीश शिवप्रसाद आचार्यको इजलासले उक्त आदेश दिएको हो। यद्यपि, सम्पत्ति शुद्धीकरण सम्बन्धी कसुरमा विशेष अदालतको आदेशअनुसार दुवै जना हाल पनि थुनामै रहेका छन्।
बीमा ऐन अन्तर्गतको मुद्दामा अदालतले सुलभ अग्रवालसँग दुई करोड रुपैयाँ र दीपक भट्टसँग एक करोड ५० लाख रुपैयाँ धरौटी माग गरेको छ।
यस्तै, धितोपत्र सम्बन्धी ऐन अन्तर्गतको अर्को मुद्दामा अदालतले सुलभ अग्रवालसँग थप दुई करोड ३० लाख रुपैयाँ धरौटी माग गरेको छ।
