नेपाली कांग्रेसका पूर्वमहामन्त्री डा शशांक कोइरालाको संयोजकत्वमा हुन लागेको राष्ट्रिय भेलामा नेता डा शेखर कोइराला पनि सहभागी हुने भएका छन्। पुसमा भएको विशेष महाधिवेशनलाई अस्वीकार गर्दै डा शशांकको संयोजकत्वमा २९ गते काठमाडौंमा कांग्रेसको राष्ट्रिय भेला हुँदै छ । सो राष्ट्रिय भेलामा नेता कोइराला पनि सहभागी हुने कोइरालाका स्वकीय सचिव दिनेश थपलियाले बताए।
राष्ट्रिय भेला आयोजक समितिको सम्पर्क कार्यालय चुनदेवीमा आयोजित कुनै बैठकमा पनि सहभागी नभएका डा शेखर राष्ट्रिय भेलामा सहभागि हुँदैनन कि भन्ने आशंका थियो ।
सो भेलालाई पूर्वप्रधानमन्त्री शेरबहादुर देउवाले पनि सम्बोधन गर्ने तय भएको छ। पार्टीको आधिकारिकता विवादमा सर्वोच्चबाट निस्सा पाएपछि यो समूह हौसिएको छ। फैसला पुनरावलोकन गर्न आदेश दिएपछि पार्टी विभाजनको सम्भावना तत्काललाई टरेको छ।
